This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

1272   பொதுப்பாடல்கள் திருப்புகழ் ( - வாரியார் # 1175 )
மாதர் மயல் தனில்
முன் திருப்புகழ்   அடுத்த திருப்புகழ்

தானதன தனத்ததந்த, தானதன தனத்ததந்த      தானதன தனத்ததந்த ...... தனதான

மாதர்மயல் தனிற்கலந்து காமபனி யெனப்புகுந்து      மாடவிய லெனச்சுழன்று ...... கருவூறி மாறிபல வெனச்சுமந்து தேனுகுட மெனத்திரண்டு      மாதமிது வெனத்தளர்ந்து ...... வெளியாகி வேதபுவி தனிற்கழன்று ஏனமென வெனத்தவழ்ந்து      வீறுமணி களைப்புனைந்து ...... நடைமேலாய் வேணவித மெனத்திரிந்து நாறுபுழு குடற்றிமிர்ந்து      வேசிவலை தனிற்கலந்து ...... மடிவேனோ ஆதிசர ணெனக்கயங்கு லாவமுத லையைக்கிடங்கி      லாரவுடல் தனைப்பிளந்த ...... அரிநேமி ஆமைகய லெனச்செயங்கொள் கோலகுற ளரித்தடங்கை      யானஅர வணைச்சயந்தன் ...... மருகோனே சோதியுரு வெனத்திரண்டு கோலஅரு ணையிற்கலந்த      சோமனணி குடிற்சிலம்ப ...... னருள்பாலா தோகைமயி லெனச்சிறந்த ரூபிகுற மகட்கிரங்கி      தோள்களிறு கிடப்புணர்ந்த ...... பெருமாளே.

Easy Version: மாதர் மயல் தனில் கலந்து காம பனி எனப் புகுந்து மாட(ம்) இயல் எனச் சுழன்று கரு ஊறி மாறி பல(லா) எனச் சுமந்து தேனு குடம் எனத் திரண்டு மாதம் இது எனத் தளர்ந்து வெளி ஆகி வேத புவி தனில் கழன்று ஏனம் என எனத் தவழ்ந்து வீறு மணிகளைப் புனைந்து நடை மேலாய் வேண விதம் எனத் திரிந்து நாறு புழுகு உடல் திமிர்ந்து வேசி வலை தனில் கலந்து மடிவேனோ ஆதி சரண் எனக் கயம் குலாவு அ(ம்) முதலையைக் கிடங்கில் ஆர உடல் தனைப் பிளந்த அரி நேமி ஆமை கயல் எனச் செயம் கொள் கோல குறள் அரித்தடங்கை அரியான அரவணை சயந்தன் மருகோனே சோதி உரு எனத் திரண்டு கோல அருணையில் கலந்த சோமன் அணி குடில் சிலம்பன் அருள் பாலா தோகை மயில் எனச் சிறந்த ரூபி குற மகட்கு இரங்கி தோள்கள் இறுகிடப் புணர்ந்த பெருமாளே.

Add (additional) Audio/Video Link

1272 - மாதர் மயல் தனில் (பொதுப்பாடல்கள்)

தானதன தனத்ததந்த, தானதன தனத்ததந்த
     தானதன தனத்ததந்த ...... தனதான

Songs from this thalam பொதுப்பாடல்கள்

This page was last modified on Thu, 09 May 2024 01:33:06 -0400